جريدة الجمهور نبض الشعب وقلب الحقيقة
مقالات مشابهة
كتب: محمد الجمل
دا كان رد المطرب لما بنت قالت له أوقف الحفلة في ناس بتموت…
حفلة إبن الشيطان…
خوف وفزع، ولا الموضوع مبالغ فيه!
من وجهة نظري مفيش حاجة بتحصل صدفة…
يلا بينا نفهم الحكاية من أولها ..
الموضوع بدأ لما أعلن مغني الراب الأمريكي “ترافيس سكوت” عن إقامة حفلته وإحتفاله بألبومه الجديد “UTOPIA” ودا يوم 28 يوليو، في مصر خصوصاً في الأهرامات ، ومن هنا بدأ التريند يصرخ، لأ لأ دا ميخوشش هنا أبدًا…
إيه الرعب اللي ممكن يسببه مغني راب؟
عاوز أفهم …
في يوم 30 أبريل 1991 إتولد “جاك بيرمون ويبستر” الثاني، والمعروف باسمه المسرحي “ترافيس سكوت”.
“سكوت” مغني راب مكنش معروف قبل كدا، فجأة بقى معروف جدًا بشكل مبالغ فيه، حتى إن أحدهم قال إنه إستدعى الشيطان علشان يساعده في النجاحات دي مقابل تقديم القرابين في الحفلات..
“سكوت” دا اللي شارك المعلم “ويجز” في حفل أوزي أبو ظبي في شهر يناير الماضي.
وتم ترشيحه ل٨ جوائز جرامي وفاز بجائزة بيلبورد الموسيقية وجائزة جرامي اللاتينية وكان أول مشروع كامل لسكوت، كان تسجيل مختلط تم إصداره كأول مشروع كامل لسكوت، التسجيل المختلط Owl Pharoah، ذاتي في عام 2013.
وألبومه الثالث Astroworld، فى 2018 بإشادة من النقاد وأنتج أول أغنية فردية له في بيلبورد هوت 100، “Sicko Mode”.
ومن هنا بقى “ترافيس سكوت” لأول مره أول فنان على هوت 100 يحصل على ٣ أغنيات في المركز الأول في أقل من عام ودا في سنة 2022.
“ترافيس” عنده طفلين «ستورمي» و«ولف»، من حبيبته السابقة المليارديرة ونجمة تلفزيون الواقع كايلي جينر، وانفصل الاثنين بعد علاقة استمرت حوالي عامين.
. ومن أول السطر علشان نشوف اللي مش طبيعي عند صاحبنا دا…
أي حفلة في الدنيا بيبقى ليها تجهيزات، ومسرح وشوية شغل بوسترات وفاير وخلافه، لكن مع “ترافيس” الموضوع مختلف يعني مثلا هيعملك بوابه على شكل جمجمة أو وشه وانت بتخش من بوقه.. ودا طبيعي ليه مغزى معين..
طب بص المعلومة دي كدا
سنة 1550 في عصر النهضة فنان هولندي رسم لوحه عنوانها “النزول إلى الجحيم” والراجل دا كل رسوماته كانت عبارة عن عفاريت وحيوانات نص بشرية وناس بتموت وتهلك بطرق بشعة واغلب رسوماتة تعتبر غموض وألغاز..
حفلات صاحبنا كلها مقتبسه من الفنان الشيطاني دا، يعني رسم وألغاز وحروف وشفرات.. وكل دا نتج عنه كارثه في أحد حفلاته اللي كانت من سنه ونص تقريباً في هيوستين، أمريكا.
الأول عدد الحضور زاد عن خمسين ألف، وعليها بدأت الحفلة بشكل طبيعي، ومع الوقت زاد الحماس مع الجو الصاخب والأغاني المثيرة للحماس وبدأت الأصوات تعلى، وفجأة من بين الأصوات بدأت تظهر أصوات لناس بتستنجد وتقول أوقفوا الحفلة !
ناس بتقع على الأرض..
بتفقد الوعى..
تشنجات…
كله بيجري على منظمي الحفلة، وقفوا الحفل ناس بتموت، رد المنظمين كان غريب تجاهلوهم تمامًا..
11 واحد أزمة قلبية، بيموت منهم 8، وبيتصاب اكتر 300 بإصابات جسدية، منهم أطفال وقصّر، هي دي نتيجة الحفلة…
في موقع اسمه Hulu نشر فيديوهات تخص الحفلة، والفيديوهات دي كانت من جوا الحفله نفسها بكل الأحداث، فيديوهات أصلا إداره الحفلة اتسترت عليها، حصل رد فعل عنيف من الجمهور بعد ما شافو الفيديوهات دي واتمسحت بعد ساعه بس من نزولها….
280 قضيه اترفعت على الرابر ومنظمي الحفلة…
العجيب هنا مش الرقم، العجيب إن الناس دي بتخرج من كل دا صاغ سليم، زي الشعره من العجينه… علامة !
وبالظبط دا اللي حصل في تقرير الشرطة اللي قالت أن هناك شخص دخل وحقن اللي ماتوا بمادة مميتة.. علامة !
كل الدنيا بدأت تحلل كل شىء بيحصل في حفلات الشخص دا، من رسوم وتصاميم ومزيكا وكانت المفاجأت كلها ورا بعض…
_شكل الشيطان مولوك (مولوخ) وفاتح بوقه علشان يلتهم القرابين اللي بتدخله، ودي كانت بوابة الدخول..
_إنتماء كامل للماسووووونيه.
_ترويج المركزية الأفريقية “الأفروسنتريك”.
_ تقديم مزيكا تسمى ب المخدرا*ت الصوتيه ودي موسيقي بتشتريها من الديب ويب بتسمعها لفتره من الوقت وبتديك نفس احساس انك شارب حاجه، ومتخدر تماما وعقلك شبه ملغي دي فعلاً موجوده، تقدر تعمل سيرش عليها..
نيجي بقى لحفلة مصر …
الأهرامات مقفولة من فترة للترميم والتنقيب وخلافه، فجاءة إتفتحت للفنان..
طب إشمعنا الأهرامات؟
الهرم معروف إنه أشهر رمز ماسوووني، وكمان أهرامات الجيزة بالذات تعتبر كعبة الماسوونيين والمتنورين والجماعات السرية المشابهة، وزيارتها بمثابة حج بالنسبة لهم، وأن حلم السيطرة على العالم بحكومة عالمية واحدة، لابد أن يكون مقرها وانطلاقتها من مصر وخاصةً عند الهرم الأكبر.. هو دا حلمهم للسيطرة والتملك…
يعني هيبقى حج ماسووووني، وطقوس وموسيقى شيطانية، وقرابين بشرية وترويج للمركزية الأفريقية “الأفروسنتريك” كل ده تحت سفح الهرم في مصر يوم 28 الشهر اللي إحنا فيه….
ربنا عز وجل قال في كتابه الكريم
بسم الله الرحمن الرحيم
{وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا }.
ودا اللي حصل وقت ما أعلنت الشركة المنظمة عن الحفل ونزلت التيكت، اللي خلص بعد ربع ساعه، يعني ٥٠ ألف أو ٦٠ ألف تذكرة..
سعرة التذكرة وصل ٦٥٠٠ جنية و ٤٠٠٠ جنيه.
وممنوع دخول من هم أقل من 16 عاما، وكمان ممنوع كاميرات التصوير والحقائب الكبيرة.
أنا كدا سردتلك كل اللي وصلت ليه، وصاحب العقل يميز ويفصل بين الأمور كلها…
ولكن يظل هناك سؤال حائر بلا إجابة..
هل الحفلة دي هتمر بخير ؟
