أخبار الجمهور نبض الشعب وقلب الحقيقة
محمود سعد سليم:
ياسيادة الوزير … أتمنى تهتم شوية باتحادات الألعاب الفردية والكوارث اللي فيها لان دول اللي المفروض يشاركوا ف أولمبياد ويجيبوا ميداليات
القي نظرة كدة يافندم ع اتحاد رفع الأثقال لأنه مفيهوش حاجة واحدة صح تلاعب ف نتائج البطولات ولاعبة تلعب مكان لاعبة ف البطولات و مدربين منتخبات بيقبضوا من مصر ويجيبوا لعيبة دول تانية يتمرنوا مع منتخبنا ومع مدربينا و مدربين اسمائها تطلع ف قرارات وزارية لبطولة ونتفاجئ بالمدرب بتاع المنتخب رايح يقف مع لاعب منتخب تاني ع حساب مصر يافندم وبيقبض من الوزارة يافندم … اللعيبة بتعاني يافندم اللي أنا بقوله ده ولا واحد ف المية من اللي بيحصل داخل هذا الاتحاد ده غير كوارث معسكرات المركز الأولمبي
اتحاد الاسكواش فيه مطحنة يافندم وبياكلوا ف بعض حتى اللعبة اللي قلنا فيها امل وهتجيب ميداليات ف لوس انجلوس شكل الأمل كمان هيتبخر ف ظل اللي بيحصل ده والمؤامرات
شوف يافندم اتحاد المصارعة وكام لاعب طفش منه وليه طفشوا واتجنسوا وحتى القلة القليلة اللي لسه هنا بتدور ازاي تهرب ومع اول فرصة هتعمل ده مش هتتردد … يافندم ده ف مصارع ليه مكافأت بقالها سنين مش عارف ياخدها من الاتحاد ولا من الوزارة ومانعرفش مكافات اللاعب دي راحت فين ومين صرفها يوسف حميدة
شوف يافندم اتحاد الفروسية اللي من بعد فضيحة أولمبياد باريس وهو علاقته شبه مقطوعة تماما بفرسانه الدوليين ومابيشاركوش في اي بطولة مع الاتحاد
يافندم شوف الاتحادات والناس اللي ماسكينها وعاملينها ملاكي وبيفصلوا لوائح وقوانين ع مزاجهم ومزاج عيالهم