أخبار الجمهور نبض الشعب وقلب الحقيقة
كتب محمود سعد
محمد صلاح ( مو صلاح )قرر يقفل أجمل كتاب فى تاريخ المحترفين المصريين والعرب ، باتفاق ( جنتلمان ) مع إدارة ليفربول ..صلاح سيترك ليفربول مجانا رغم أن عقده فيه سنه ( لحد 2027 ) فابريزيو رومانو وبول جويس أكدوا إن الإداره وافقت على الخطوه دى تقديرا لإنجازات مو صلاح 255 جول و9 سنين من تحطيم الأرقام القياسية الرحيل ( مجانا ) هديه من ليفربول لصلاح علشان يسيب الباب مفتوح أمامه ليختار وجهته المقبله براحته ،، وفى نفس الوقت النادى يوفر (راتب خرافى ) علشان يبدأ رحله أعاده بناء الفريق من غير الملك …الخروج المشرف بيفكرنا ب وداع يروجن كلوب أتفاق ودى ليحفظ كرامه الطرفين ويمنع أى صراعات قانونيه …صلاح أنهى الجدل بدرى علشان يدى فرصه لجمهور لبفربول يودعه فى كل مباراه فى الموسم وعلشان النادى يلحق يدور على بديل ..صلاح مش بس ساب أهداف وبطولات ، ده ترك (ارث ) ملهوش مثيل ،من الدورى الانجليزى لدورى الأبطال لكأس العالم للأنديه …الأنفيلد من الأن لأخر الموسم لن يهتف لغير مو صلاح (Mo Salah. TheEgyPtian King واللحظة اللى هيخرج فيها من الملعب فى اخر مباراه هتكون تاريخيه ومؤثره جدا ..المهم إن صلاح الأن حر تماما ،، الوجهه المقبله لسه لغز هل الدورى السعودي فى صفقه ستكون الأغلى فى التاريخ كراتب ومميزات ؟ ولا هيفاجئنا بالدورى الأمريكي علشان يحضر لمونديال 2026 فى هدوء ؟المؤكد صلاح عايز ( تحدى جديد ) وهو فى قمه مستواه ..وليفربول خسر نصف قوته بس كسب ( احترام العالم ) بطريقه توديعه لأسطورته ..هل سنرى مو صلاح بقميص اتحاد جده أو الهلال ؟ولا نيويورك سيتى ..الملك الأكيد إن شمس صلاح فى إنجلترا غابت ،بس نوره هيفضل منور فى تاريخ ( الريدز للأبد !!
