جريدة الجمهور نبض الشعب وقلب الحقيقة
مقالات مشابهة
كتبت : هاجر حسن
الحكاية بدأت سنة 1958 ، لما قررت ماجدة انها تنتج فيلم عن مناضلة الجزائر جميلة بوحيرد و هي من قامت ببطولة الفيلم ،
كانت وقتها جميلة في السجن و محكوم عليها بالإعدام .
وبالفعل أنتجت ماجدة الفيلم لنفسها و كان معاها نجوم مصريين كتير زي (رشدي أباظة و أحمد مظهر و صلاح ذو الفقار و محمود المليجي و غيرهم …..) ، و اخرج الفيلم المخرج العلمي (يوسف شاهين) ، الفيلم اتعرض في دول كتير و في مهرجانات عالمية … كان كل ما يتعرض في بلد تخرج مظاهرات تطالب بالأفراج عن جميلة و الرأي العام العالمي كله اتحرك ضد فرنسا و كتبت الصحف العالمية عن جميلة ،
وانتشرت جملة (انقذوا جميلة) في العالم كله و بالفعل نتيجة الضغط ده ، قامت فرنسا بتخفيف الحكم عليها من الإعدام إلى السجن المؤبد .
وطبعا ده انقذها لان بعد تحرير الجزائر سنة 1962 تم إطلاق سراح جميلة .
* معلومة علي الماشي جميلة اتجوزت المحامي الفرنسي إللى دافع عنها .
تأثير الفيلم كان كبير لدرجة إن في فرنسيين تعاطفوا مع جميلة .
فكتب الفيلسوف الفرنسي :جان سارتر
“الفيلم جسد أمامي حجم الجرائم الذي ارتكبناها في حق الإنسانية ، إن هذه الممثلة الصغيرة الكبيرة أسقطت مني الدموع و أنستني جنسيتي” .
ماجدة بعد عرض الفيلم اتعرضت ل محاولة اغتيال من فرنسيين متعصبين .
لا تستهينوا بقيمة الفن الهادف و تأثيره على الشعوب
الفيلم كان كل ما يتعرض في دولة فرنسا تلاحقه و تحاول تمنع عرضه ، زمان كانت السينما المصرية تنافس هوليود وافلامنا كانت بتلف العالم كله وبتترجم للغات كتيرة .
احنا لينا أفلام مصنفة ضمن أفضل 1000فيلم في تاريخ السينما .
#أهم أعمال الفنانة ماجدة
1/ ونسيت أني امرأة سنة 1994 .
2/ عندما يتكلم الصمت سنة 1988 .
3/ حدوتة مصرية سنة 1982 .
4/ العمر لحظة سنة 1978 .
5/جنس ناعم سنة 1977 .
6/ النداهة سنة 1975 .
ماجدة هي: ممثلة ، مخرجة ، منتجة
