قطار الأهلي لا يتوقف 🦅🛑 الفوز الـ 15 علي التوالي للمارد الأحمر في الدوري.

كولر مذاكر نقط ضعف بيراميدز اكثر من مدرب بيراميدز نفسه ، عارف يقفل عليه ازاي ، خالد قافل اليمين ، كريم الشمال ، اكرم مع بلاتي تورية في كل حته و مروان بيتحرك ورا مايلي و الكرتي عشان يستلم في ظهرهم ، اي مساحة فاضية هتلاقي فيها امام عاشور ، و الزيادة العددية بتحصل عن طريق رضا سليم حتي لو هو اقل واحد لمس الكرة مع الشحات ، وسام ابو علي بيستني الفرصة عشان يخلص الدنيا و هي دي فايدة الجودة اللي بيمتلكها ، بص لقي الشناوي طالع و فاتح الجون كله لمسه واحده في البعيدة عكس اتجاهه ملوش فرصه انه يمسكها ، 11 هدف في 14 مباراة ، تاني هدافي الدوري العام والفارق بينه وبين المتصدي فيستون مايلي 3 اهداف بس ، مع العلم أن مايلي لعب 28 مباراة 95٪ من الأهداف بتاعت وسام كانت حاسمة ومؤثرة في حسم الدوري السنة دي ، اي ارقام وإعجاز بيعمله وسام في الدور التاني من اول ما جه للاهلي ، تكاد تكون دي اهم واحسن صفقة عملها الاهلي من بعد علي معلول وامام عاشور ، خارق يا وسام والله ربنا يحميك ويحفظك ، صفقة فاقت كل التوقعات