الرئيسية / غير مصنف / ضاعت فلوسك يا صابر

ضاعت فلوسك يا صابر

محمود سعد

🔴أنا بقول تسحبوا الاستثمارات بتاعتكم احسن صدقونى انتوا مكانكم مش هنا احنا هنا ناس وحشين وبنكسب بالحكام والمنظومة كلها معانا احنا النادى المدلل فى مصر وانتوا هنا مش هتعرفوا تأكلوا عيش فى ظل وجودنا 🔴أو اقولكم جربوا تستثمروا فى حاجة تانية غير الكورة لأن الكار ده مش كاركم يعنى جربوا مثلا تشاركوا نادى الزمالك فى عربية الكشرى إللى فى مدخل النادى وتكبروا المشروع وبدل العربية تبقى اتنين وتلاته واهو اللى ميتبعش تاكلوه 🔴أو جربوا تشاركوا صحابكم وتستثمروا فى البط واعملوا مزرعه حلوه كده هاتوا كام كتكوت والكتاكيت تفقس وتبيض وتفقس وتبيض لحد ما المشروع يكبر ويسمع وتصدروا البيض للخارج 🔴إنما كورة ومليارات بتندفع فى أجهزة فنية ولعيبة ومعسكرات وفنادق وطائرات خاصه وفلوس بتشتروا بيها الجماهير وساندويتشات والمحصلة صفر يبقى الكار ده مش كارك 🔴كان لازم تفهم من اول يوم دخلت فيه البلد هنا وعملت لنفسك اسم بالكدب انك داخل تقابل النادى الأهلى اكبر نادى فى القارة وانك مهما وصلت بفلوسك واشتريت كل حاجه بفلوسك واخدت معاهم جماهير الزمالك فوق البيعة ببلاش انك هتبقى اد كده 🤏 قدام النادى الأهلى وجماهيره اللى لوخليتوا التذاكر ب 2000 جنيه مش 200 بردو هيروحوا الاستاد بردو وهيحطوا عليكم 🔴نفسى تطلعوا رجاله و أد كلامكم ولو مرة واحده واسمع الصبح خبر رسمى بأنكم سحبتوا الاستثمارات بتاعتكم اللى مش عارف الحقيقة هى فين وبتستثمروها فى ايه بالظبط وخدوا معاكم شوية المرتزقه اللى اشتروتوهم بكام جنيه وساندوتش