الرئيسية / غير مصنف / الفنانة : عايدة غنيم تتحدث عن مقتل والدتها

الفنانة : عايدة غنيم تتحدث عن مقتل والدتها

كتبت : هاجر حسن

 

_ ماذا حصل لوالدتك يا عايدة ؟

 

=ابن الجيران اللي كان ساكن عندنا في البيت ، زي ما تقولي كده كان شارب مخدرات و قالك دي بنتها فنانة بقى و أكيد معاها فلوس ، و كانت واخدة عليه بتعامله زي ابنها بالظبط ، فاللي حصل إن ماما يومها كانت مخلصة شغل في المحل بتاعها اللي تحت بيتها و طالعة الشقة ، هو البيت كله بتاعها و الولد ده ساكن عندنا ، فطلع الولد وراها و هي كانت

إيديها بتوجعها فقالت له حبيبي معلش افتح لي الباب ، فتح لها الباب و راح زقها و دخل كان في نيته يسرقها وقتها عشان متتكلمش .

انا كنت ساعتها بشتغل في المسرح ، كل ما أرن عليها متردش و أنا مش متعودة على كده قلقت طبعا عليها

رحت لها ، أخبط على الباب محدش بيفتح ، أرن على الموبيل أسمع صوته ، جوا فقلقت أكتر ، ولأني ناسية المفتاح خبطت على الجيران يكسروا الباب ، دخلنا لقينا الدنيا ضلمة لدرجة اني اتكعبلت فيها مشوفتهاش .

نورنا الشقه لقيناها مرمية على الأرض و حواليها بركة من الدم .

 

مكانتش بتحوش عنه حاجة ، كان بياخد أي حاجة عاوزها من المحل براحتة ، و مدفعش الايجار بقالة شهور و كانت بتقول معلش ده عريس ، فميكونش ده جزائها ….

شاهد أيضاً

جريدة الجمهور

المكتب الإعلامي للنجمة شكران مرتجى الصحفي عمّار البرّي الزملاء الصحفيين والإعلاميين، يرجى نشر هذا الخبر …