جريدة الجمهور نبض الشعب وقلب الحقيقة
مقالات مشابهة
كتبت:رانيا عاصي
انا اسماء من الصعيد
سعيده اني احكي حكايتي
انا من عائله لها عادات وتقاليد مش بيخروجو عنها بتضع المرأه دائما في حدود وبتحرمها من معظم احلامها منه ما تعرضت له وهو ان ممنوع البنات تتجوز بره العائله لازم تاخد من العيله وفعلا اتجوزت ابن عمي برغم عدم وجود حب او تفاهم او حتي تفكير مشترك لكنها العادات وبس بعد الجواز كانت الحياه عادية لحد لما مر وقت ومفيش حمل واكتشفت ان عندي مشكله وحاولت اتعالج واستمريت مع طبيب كويس لكن فات سنتين وكل العيله واخوات جوزي المعامله اتغيرت وهو معملته ليا بقت سيئه واهانات وعدم احترام ليا وقررو يجوزوه ولما رفض وقلت طلاق اهلي وكل العيله معندناش طلاق ممنوع مينفعش اقولها هو من حقة شرعا وانا من حقي شرعا انا كمان لاء ماينفعش حسيت بأذي نفسي ورحت لدكتور اتعالج نفسيا كان الطبيب الي بتابع معاه لللحمل رشحه ليا ورفعت قضية طلاق واهلي قاطعوني ولما زوجي لاقني رفعت قضية طلقني واهلي اتعملو معايا معامله سيئه بعد فتره اتقدملي الدكتور الي كان بيعالجني اكبر مني في السن لكن حسيت انه هينتشلني من القهر اللي انا فيه بذنب مش ذنبي وبردوا اهلي عارضوا لانه مش من العيله اتجوزته وعشت معاه انسان طيب وبيحبني وعملت عمليه وعالجني وجبت ولدين تؤام هما كل حياتي وبعد كام سنه اهلي بدات يكون في صله وقرب واتعرفوا علي ولادي هما حاليا 13 سنه وزوجي خلاني اكمل تعليمي واشتغل انا سعيدة اني قدرت اتمرد علي العادات الي كانت هتخسرني عمري واشوف ولادي الحمد لله
