أخبار الجمهور نبض الشعب وقلب الحقيقة
كتبت:رحمه محمد
الكاتب”محمد مصطفى الجمل” يشارك في معرض القاهره الدولي للكتاب الدوره ال57
يشارك الاعلامي و الكاتب “محمد مصطفى الجمل”، بكتاب فى الدورة ال57 لمعرض القاهره الدولى للكتاب، المقام فى الفترة من 21يناير حتي 3 فبراير الجارى، والذي تنظمه الهيئة المصرية العامة للكتاب بالتعاون مع وزارة الثقافه،
يحمل الكتاب عنوان”رحلة صحفي مستجد” وينشر في دار فُصحى، صالة (1)، جناح (B42)
حيث تم نشر اقتباس من العمل علي مواقع التواصل الاجتماعي و نال العديد من الاعجاب و التشويق لدي الجمهور،
الاقتباس في العمل:الساعة كانت 2:37 بعد نص الليل..
واقف على سلالم نقابة الصحفيين، في إيدي ورقة… مش ورقة عادية؛ دي ورقة كانت ممكن توقف جريدة كاملة عن العمل..
كان فيها كل حاجة، أسماء، أرقام، توقيتات، أسرار ممكن تودي رئيس التحرير و ناس ليها مكانة وسُلطة عالية السجن.
أنفاسي ساعتها كانت مقطوعة، وقلبي بيخبط كأنه طالع خبر عاجل عني أنا. كنت لوحدي، بس حسيت إني متراقب، حد بيتفرج مستني القرار اللي هاخده. أنشر وأولع الدنيا؟ ولا أدفن السر وأكمل في الشغل كأني مشفتش حاجة؟
وقتها فهمت إنك لما تبقى صحفي بجد، حياتك مش بس شغل… دي بتبقى لعبة أعصاب،فيها حقيقة … وفيها تضحيات. بس قبل ما نحكي الحكاية من الآخر تعال أرجعك للبداية؛ قبل أول خبر، قبل أول توقيع، قبل أول غلطة لما كُنت…صحفي مستجد.
في النهايه نتمنى للكاتب التوفيق فيما هو قادم وننتظر العديد من الكتب و الروايات في الفتره القادمه.
