جريدة الجمهور نبض الشعب وقلب الحقيقة
مقالات مشابهة
كتب: محمد سليمان
الكثير يعتقد ان علمنا بعد اخر او كون اخر مع اختلاف بسيط
لكن ماذا تعتقد لو ان هذا العالم الذي نعيش عليه انا و انت يا عزيزي بالفعل هو العالم الاخر للآخرين..!
خلينا نبدأ القصة النهاردة مع صديق ما ممكن نقول عليه عادل
عادل بيحكي و بيقولي انا بحب المغامرات و العالم الخارجي او عالم الجن بمعني اصح و دايما بقراء عنهم بس اني ادخل لحد عالمهم ده اللي مكنتش عامل حسابي
قصتي بدأت لما سمعت عن بيت غريب ف الوادي الجديد ف حبيت اروح و اشوف اي الموضوع ده بس يارتني ما روحت!
بالفعل سألت اكتر عن المكان و روحت كنت هناك ع الساعة 10 بليل روحت العنوان بس اللي شدني اوي ان البيت اصلا كله مهدود بس كان واضحك من ورا باب البيت ان في اوضه لسه مش مهدوده ف دخلت بالفعل
دخلت و لاقيت ان الاوضه كلها منوره بس نور احمر و خفيف الا ركن واحد ف الاوضه و كان ضلمه اووووي قربت عليه لاقيت ف الارض سرداب ف استغربت لي بيت زي ده يبق ف سرداب و لي اصلا السرداب موجود ف اكتر مكان ضلمه ف الاوضه ف قولت هنزل و نزلت بالفعل كان سرداب طويل اوي بس كان طوله وحش اوي ف كان لازم امشي و انا موطي و كان ف اخر السرداب ده نور و كل ماكنت بقرب بلاقيه بيبعد لحد اما وصلت لي فالنهايه و لاقتني ف مكان اقرب مايقال عليه مكان فاضي تحسه صحراء ف بصيت ورايا و كانت الصدمه اني ملقتش السرداب اللي انا لسه خارج منه!
انا هنا حرفيا كنت بموت من الرعب ف و اللي كان غريب بردو ف المكان ده ان النور اللي في رمادي زي ماكون بتفرج ع فيلم ابيض و اسود ف كملت مشي لحد اما لاقيت حد واقف بعيد ف قربت و بقوله لو سمحت انا هنا فين و ببص ف عينه لاقيت عينه كلها سوده ده غير انه كان طويل اووووي ف رايح يتكلم لاقيت مرا واحده الارض بتتهز تحت مني و ببص اشوف ف اي حواليا لاقيت واحد شكله اغرب قاعد ع كرسي و ناس شيلينه ف لاقيت اللي كان جمبي بيركع للمخلوق ده و بيبصلي و زي مايكون عينه بتقولي اركع انت كمان ف فضلت واقف مانا مسلم بردو و لا يجوز الركوع لغير الله ف بصيت للمخلوق ده قولته انت مين قالي بصوت وحش اوي انه وزير الملك عزازير( الملك عزازير يكون ملك من ملوك الجن السفلي) ف قولته طب انا هنا فين قالي اني ف عالم الجن اللي فوق الارض ف قولتله انا رجعت بالزمن! قالي لا قولتله طب طلعت ف الزمن قالي بردو لا و بدون سابق انظار لاقيت عينه كلها بقيت حمراء لو الدم و بيقولي بصوت اوحش من الصوت اللي كان بيكلمني بيه اركع يا انسان يضعيف قولته مش هركع لغير ربنا
لاقيت مرا واحده بقوة خافيه بركع بالفعل لي قولته سبني امشي قالي لا و لاقتني بعدها ف سجن و حواليا بشر زيي زيهم و بحاول اتكلم بس محدش كان بيرد ده غير ان كلهم كان واضح عليهم ٱثر التعذيب و النار وانا بقيت بعيط و عمال ادعي ربنا و بقراء قرٱن و لاقيت حرس من الجن بيخدوني لحد الوزير و قالي اطلع من هنا قولتله طب ازاي قالي ارجع مكان مجيت و هتخرج يا انسان يضعيف قولتله حاضر و انا فرحان بس وانا ماشي قالي اجهز عشان قريب لما كلكم هتيجوا عنها بس ساعتها محدش هيخرج من هنا او يمكن العكس احنا اللي نطلع و ضحك ضحكه بشعة جدا و نبهني قالي انت المرادي دخلت هنا بمزاجك و عن طريق باب من ابواب علمنا بعد كدا اوعدك لو فكرت انك تيجي تاني بمزاجك مش هتطلع و هتتحبس لحد اخر يوم ف عمر الارض قولت حاضر و بعت معايا اتنين حراس قالي دول هيوصلوك رجعت لمكان السرادب و لقيت الاتنين اللي معايا بيتكلموا بطريقة بلغة غريبة بعدها لاقيت واحد منهم بدأ يحفر ف الارض لحد اما السرداب بان ليا و رجعت منهم و اتقفل ورايا و الحمد لله رجعت تاني للبيت بس لما رجعت لاقتني غايب بقالي 3 شهور…!
ف الموضوع عدي بس الكوابيس اللي بتجيلي لا عشان بقيت كل يوم بق الوزير ده بيجلي و بيقولي وقت الحكم الرسمي قرب ده غير طبعا اني بقيت بشوف جن ف البيت و البذات الاتنين الحراس اللي كانوا معايا…
و هنا القصة خلصت مع صديقي عادل بس كنت عاوز اقول حاجه (هذه القصة حدثت بالفعل)
الي اللقاء
