أخبار الجمهور نبض الشعب وقلب الحقيقة
كتب محمود سعد:
في سنتين بالتمام والكمال صنع تاريخ عظيم جعل منه تاني أفضل مدرب في تاريخ الأهلي وتفوق على كل المنافسين بأرقام أسطوريـة حقق 10 بطولات في سنتين وده رقم عظيــم ميحققهوش غير مدرب كبيـر
حقق 2 دوري أبطال إفريقيا من أصل مشاركتين، على حساب الوداد «في ملعبه» و على حساب الترجي في النسخة اللي بعدها.. بـ 6 فوز خارج الأرض.. و12 مباراة على التوالي بدون استقبال هدف.. و24 مباراة على التوالي بلا هزيمة في البطولة رجع الفريق لـ بطولته المفضلة الدوري المصري، وفاز ببطولتين على التوالي.. وحقق 21 فوز على التوالي في تاني بطولة، وكسر رقم الجيل الذهبي بقيادة الساحر مانويل جوزيه
حقق 2 كاس مصر على التوالي.. وبطولة الكاس الوحيدة اللي خسرها كانت بسبب الإعتذار عن استكمال البطولة حقق 4 كاس سوبر مصري على التوالي، وبقى أكتر مدرب حقق البطولة بالتساوي مع مانويل جوزيه، واتساوى مع رقم نادي الزمالك اللي حقق 4 بطولات بس
حقق برونزية كأس العالم للأندية برباعية ضد بطل آسيا، وقبلها فاز على اتحاد جدة نسخة بنزيما وكانتي وفابينيو في ملعبه ووسط جماهيره بالتلاتة.. وخلال نسختين في البطولة سجل 14 هدف
فاز على الزمالك 5 مرات، بالـ 2 والـ 3 والـ 4، في دوري وكاس وسوبر، وعلى حساب فيريرا وأسوريو وجوميز، وفاز بـ 3 نهائيات ضد الأبيض فاز على بيراميدز 5 مرات، من أصل 8 فوز لـ الأهلي ضد بيراميدز، وحقق على حسابهم بشكل مباشر 2 دوري وكاس وسوبر، ومين ينسى لما أخدهم رايح جاي في 10 أيام !
مخسرش بطولة محلية شارك فيها الأهلي خلال سنتين كاملين، بإستثناء بطولة كأس مصر اعتذر الفريق عن استكمالها.. بيكسب وبيصنع تاريخ في هدوء تام..
مش محتاج يتلمع من الإعلام، مش محتاج يتقال عنه «لازم يدي كورسات لباقي المدربين ومش عيب يتعلموا منه»، زي ما اتقال بالظبط عن مدربين محققوش نص تاريخه -وفي المدة الزمنية القصيرة دي-.. و جه المارشـال طرقعلهـم 2 و3 في شهرين ورجعهم بلدهم