الرئيسية / غير مصنف / عبدالعزيز فخير يكتب :” إنكروا الباطل و ارفضوه ” !

عبدالعزيز فخير يكتب :” إنكروا الباطل و ارفضوه ” !

انا مش شايف ملوك جدعنه فى الصوره انا شايف جوز صيع وشمامين و متربوش لابسين سلاسل وفاتحين صدرهم زى البلطجيه المخرج عايز يقنعنا بيهم ان دول مثال للجدعنه والمرجله وبعدين يخلص المسلسل نشوف بقى نسخ مكرره شبههم فى الشوارع وف كل منطقه وكل مكان امثال البهوات
مش دي الجدعنة..مش دول شبابنا..مش دي الرجولة..مش دا لبس الرجاله..مش دا حوار المتربيين..إحنا مش كده..شبابنا مش كده..بيوتنا مش كده..
وهو ده اللى بنصدره للأجيال الجديده وبعدين نقول الشباب مالها بقى شكلها وطريقتها بقت مقرفه كده ليه وليه جرائم القتل كترت وليه الناس مبقاش عندها رحمه.. وكل دا بينعكس علينا وعلى بناتنا كمان.. لما تلاقى بنتك جيالك متعوره ووشها بايظ من اشباه رجال بسبب انها رفضت عريس..كل دا سببه المهزله الى بتحصل فى المسلسلات والافلام ..
نصيحتي ليكم .. علموا أولادكم
إن الأشكال دى عمرها ماتنفع تبقى قدوه ولا ينفع يتقال عليها ملوك الجدعنه..

علموا أولادكم
إن الرجوله أدب وأخلاق وكرم وغيره على أهل بيتهم واللى مسؤلين منهم وحتى جيرانهم..

علموا اولادكم
إن الجدعنه فى الرزق الحلال والشغل بايدك وأنك ماترميش بلاك على حد ولا تسرق حد ولا تنصب على حد..

علموا أولادكم
إن الجدعنه مش فتحة صدر ولا عوجة لسان ولا كلمتين مترتبين ملهمش اى تلاتين لازمه..

علموا اولادكم
ان الجدعنه والرجوله والأدب والاحترام فى تمسكهم بالدين واحترامهم للكبار وخوفهم وعطفهم عالصغار ، علموا أولادكم إن الرجوله أدب واحترام .

اللى فى الصوره دول يبقوا ملوك الشبحنه والسرسجه ، مش الجدعنه !!

  1. ” إنكروا الباطل و ارفضوه ” !

شاهد أيضاً

جريدة الجمهور

كتب:عمرو عبدالعال  تهنئة من جريدة الجمهور الي المستشار عبدالعزيز سليمان  بمناسبة عيد ميلاده متمنية له …